Mój EKSTRA Supertajny Dziynnik na Blog.cz

Uż to je dość dłógo, co żech nie pisała. No, ale trzeja opucować klawiature z pajynczyn a jechać dali. Babcia uż tam cosi blaboli, że móm iść do łóżko, bo mnie mama za chwilke przidzie skóntrolować. Tak o tych dwóch kulach, jednej jedynie a ranie do głowy opowiym jutro. Papa

Lea:)

Tak my prziszli z piyrszego zjazdu. Było całkiem fajnie, ale nogi bolały JAK NIE WIYM CO! Jo jeździła z ciocióm Marcelkóm, ciocióm Renióm a Agóm. Jak my dojeździły, tak nóm było TAK HYC, że (aspóń jo) żech se ściepała bunde, przilce, czopke, a rozepła żech se aji mikine. Było mi KRAAAASNIE! Uż my pojedli obiod (zupa ze saczka a rizoto). Na bazynie my wczora nie byli ale teraz 100 000 000% pujdymy - uż se moc cieszym!

Lea

Tak uż my sóm w Alpach. Ta cesta se zdała być tako krótko, a nakóniec se to wlóóóóókło! Ale fajnie se to wlókło, fajnie...Dziwali my se na film "Loweckóm sezone" - super film!, jo posłóchała muzyke, a czytłach - a ku podziwu mi nie było źle. Teraz siedzymy przi stole, a pojodómy sznycle - mniaaam! Polywka była ze saczka, ale była mooooc dobro! Tak uż idym, bo mi to wszystko zjóm;)

PS: po jedzyniu idymy na bazyn - HURAAAA!!!

Lea

Piynć na Piynć

1. Naucz se warzić - np. upiycz ciasto, zrób zupe, amolety

2. Zrób piknik na tepichu.

3. Zrób porzóndek w szafie z ubraniami.

4. Zawołej dłógo nie widzianej koleżance.

5. Zrób se manicure.

1. Poćwicz.

2. Zawołej koleżance a pomówcie se od serca.

3. Przeczytej se czasopismo nebo ksiónżke.

4. Wypisz wszystki pozytywy swojigo życia.

5. Zrób czekuladowe fondue

1. "Zakręcony piątek" - "Mezi námi děvčaty"

2. "Shrek"

3. "High School Musical"

4. "Pamiętnik księżniczki" - "Deník princezny"

5. "Válka blogerek"

1. Zrób własny czasopis

2. Zrób swój własny TOP.

3. Załóż se album na fotki.

4. Wymyśli układ taneczny.

5. Napisz opowiadani.

1. Jydz zmrzline.

2. Zrób wodnóm bitke.

3. Pływej.

4. Kup se nowe bikiny.

5. Zrób wianek ze stokrotek.

Eszcze ku wczorajszku - u tego ortodonty nóm ukazowali odlitki tych mojich zymbów (wrchni rzónd a dolni), a jo była z tego na infarkt! Taki hnusne krziwajdy, że to świat nie widzioł! Dalszy roz ( a to uż po Alpach - o tym późni ) idym na gumki, a potym uż mi dajóm tyn aparat. Ale eszcze niewiym jakigo koloru. Można modry...nebo fioletowy.

Skoro mi uciykła jedyna z angielskigo, a to kwuli gupimu ISu a ARu! Insi nie dostali nic, bo tam mieli moc błyndów, ale zaś drudzy se wpisali dwóje (co WUUUBEC nie chapiym).

Pani Renia Słowik se strasznie pieknie oblyko. Ta musi mieć jaksigo soukromego nawrharza...

ucze strasznie rady przecióngajóm odpowiedzi (przikład: "Tomek....zjadł....sześć....jabłek" - uż to mówiym razym z nimi)

Naszo kochano pani Krziżanek nóm przipómnyła przisłowi "Nie rób drugiemu, co Tobie niemiłe". A hned po tym nas nauczyła - Przeeepraaaszam aaale przeeeszkaaadzasz mi, dzięęękuję żeee już mi nieee przeeeszkaaadzasz - uuufff!

Zaś nóm fachczy nasze radio GPS - akurat tam groł jaksi narzez, a Przemino go prziozdobił krakowiakym. Przitym tam cosi wrzeszczoł na Pasza, a skoro mi wyloł na ławce jaksi siki, co mioł we flaszce. To by ostrze poruszył moje autorski prawa!

Abych nie zapómniała - mómy klasowy blog - www.ourbestclass2011.blog.cz - założyła żech go wczora (żółto-fioletowy), ale uprawiła żech go dzisio (zebrowaty) - a zdo se mi O MOC fajniejszy:)

Krziżankowo se ganc ulywo z powinności! Dzisio my mieli na Fizyce sprawdzian, a óna nóm dała ganc ty stejne co na zeszłej lekcji, akurat wymiyniła grupy. A co je gorsze - prziznała se do tego! To ji płacóm aż tak mało?

ODHALÓNE! Pry taki SUPERnowe ławki, a przitym uż my naszły z babami TAAAKI odrzicia!

Na pływaniu se mi stracił klucz od szafki. Tak góniym, hledóm, skoro beczym...NIC! Leciałach za dzieuchóm, kiero miała szafke wedle mnie. A óna go miała! Ale nima to taki narzez jak to, żech roz jednymu synkowi zebrała taszke z wiecami. Umyła żech se jego szampónym a utrziła jego ryncznikym!:)

Lea:)

Hej bystra woda, bystra wodziczka - dzieuchy wzióny (na praktycznym) do grupy Pasza! Zamiast mnie! Jak to mógły zrobić?! Tyn typek jich niebezpiecznie prziprawuje o rozum. Aji Age, kiero to do teraz maskowała dość dobrze. Czymu se jim tak strasznie podobo? Poprostu (mały) frajer z dłógimi włosami, co se bawi ze siudmokami....no jeeeeju! Ósmy dziw świata!

Ucze z historii strasznie bawi mówić o kulturze. Jakoby to kogosi zajimało. Fórt yny wypisujymy jaksich (wiynkszościóm starych) typków, a ani porzóndnie nie wiymy gdo to je. A co je na tym nejlepsze? Óna se myśli, że jóm posłóchómy!

Bizoń je dziwny! Dwa razy żech mu rzekła dziyń dobry a ón mi ani roz nie odpowiedzioł. Dobrze, że nas nimo na gimie - to bych uż czuła kwiotka od spoda.

Na gimie - siedzym se w klidku, nikómu nie wadzym....a buch! Klidnie se do mnie ciepnie balónym a zamiast "sorry" yny "bacha"! Ta młodzież, ta młodzież.....namyszlóne pubercioczki!

Egzystuje wiynkszy pelikan niż Ewa Dronia (czytaj Ewizna Opica Dronia)? - odpowiedź: NI! (można Marian ale to se nie liczy). Marian se nawiyncyj zaliczo do rasy siamskich świń (esi wubec egzystujóm), zato Dronia je rok przed opicami:)

Przemino patrzi di blazinca.....ale ani tam by go nie skrocili.

Na polskim se bawił z mobilym. Ucza go napómnyła. Ón to poprził. Tak mu rzekła że staro a gupio sice je, ale ślepo a gucho ezscze ni. Jo sama bych to nie rzekła lepi:)

Lea

Nauczyciele sóm dziwni że ja? Też se myślym...

1. Dostałach kule! ta ucza je ale krowa!

2. Dwója. Ta se na mnie zasiedła....wszyscy majóm jedyny.

3. Jedynka z gwiozdeczkóm! Super! Musi mnie mieć strasznie rada!

1. Óna se tak dobrze uczyła..co se to z nióm dzieje?

2. Dóm ji dwójke. Narobiła moc zbytecznych błyndów. Szkoda...

3. Taki stopiyń żech czakała spisz od TEJ a ni od TAMTEJ.

Mamie se strasznie podobo opiyrać nogi na podpiyrokach przi fotelu. Głównie, jak se wieczór cało parta dziwómy na Ordinace. A jutro - ortodonta...czymu se to tak szurze nazywo?? ORTODONTA...to je jak jaksi paleontolog nebo iguanodont jak był w tym fajnym filmie o dinozaurach nebo co....No to je jedno. A inaczyj żhawo nowinka - idym spać!

Dobranoc!

Lea:)

Móm tu do Was pore rad, na SUPERpodarzónóm Damskóm jizde!!

- Pokazy mody - prziniyście z dómu ulubióne oblyczki. Przimierzejcie jich a oceniejcie se nawzajem. Możecie jich aji miynić miyndzy sebóm.

- Nakryncani teledysków - potrzebno bydzie fajno piosynka (nejlepi karaoke). Zaśpiywejcie wszystki a nagrejcie to na telefón. SUPERsranda!

- Cytryna - każdo se dejcie do pusy kónsek cytryny, a schwalnie kiero se nie skrziwi! :)

- Wcipy - wymyślejcie własne wcipy a piosynki! Kupa śmiychu zapewnióno;)

- Udowani sławnych - bawcie se na sławne osobistości (np. Britney Spears, Madonna, Beyoncé atd..)

to je narazie tela.....za niedłógo se ukoże artykuł o szkole a nauczycielach;)

życzym miłego czytanio

Lea

To je mój piyrszy zapis. Eszcze nigdy żech nie skuszała pisać se dziynnik na blogu, ale dóma móm trzi zeszyty, kaj żech se jednym czasym zapisowała przygody a przeżycia. Akurat je kapke gupi, że to moje życi nima taki jak w tych wszystkich filmach a podarzónych ksiónżkach. A tak, nima moc o czym pisać. Ani dziynnik, ani ksiónżke. Wiersze eszcze jako tako, ale teraz móm takóm jaksióm....poprostu pauze. Od czasu, co żech naszła w katalogu ORIFLAME (o tym późni) konkurs na piosynke do Ewy Farnej. A to żech se przeca nimógła niechać uciyc! To była moja szansa! Napisała żech ji. Ale pobabrała żech to! Nie napisała żech ani nazwe! Mogym aji rzyc, że piyrsze dwie zwrotki se mi podarziły, ale tyn zbytek żech napisała na rychło....a wyszło to podle moigo dość....MIZERNIE. Ale co, światowóm pisarkóm se nie stanym jednym konkursym w jaksim katalogu.

No, a teraz to drugi - moja koleżanka ze szkoły (Krysia), je zaregistrowano w ORIFLAME (na swojóm segre, bo ji eszcze nima 15). A sprzeduje z tego kataloga - tagże zarobio. Chwilke my ji z Masióm robiły zamówiynia, ale teraz żech tam je zaregistrowano aji jo. Sice eszcze ani nie wiym jak se robi zamówiynia, ale óna mnie to doufóm nauczy:). Masi żech to nie rzekła.....no co? Eszcze by chciała też:)!

Uż mnie smoli to moji ciśniyni!!! Fórt chodzym na odbiery! Była żech dzisio rano. Chcóm stwierdzić, czy nimóm alergie na sierść. No, a aby tego nie było mało, we szkole mnie to chytło, a pani mnie posłała do dómu. A akurat było sprawko z Biologii, a mama se teraz beztak myśli żech symulowała! To je żywot!

Tata jechoł do PZKO. Doufóm że nie zapómni na to kwiotko do mamy:). Bo eszcze nimioł, jak my jechali po nabruszóne skije.

Lea:)